होलीमा पनि बढ्यो सुनको मूल्य, आज फेरि नयाँ ‘रेकर्ड’ !

काठमाडौं, फागुन २७
नेपाली बजारमा होलीको बिचमा पनि सुनको मूल्य बढ्दै नयाँ ‘रेकर्ड’ कायम भएको छ । आज सुन तोलामा दुई सय रुपैयाँ बढ्दै प्रतितोला ८२ हजार सात सय पुगेको छ ।

सुन आइतबार प्रतितोला ८२ हजार पाँच सय रुपैयाँमा कारोबार भएको थियो । विश्व बजारमा सुनमा लगानीकर्ताको आकर्षक बढेपछि सुन महँगिदा त्यसको प्रभाव नेपालमा पनि परेको हो ।

आज सुनको मूल्य बढेपनि चाँदीको मूल्य भने तोलामा १० रुपैयाँँ घटेको छ । चाँदी आज प्रतितोला आठ सय ८० रुपैयाँँमा कारोबार भैरहेको छ । चाँदी आइतबार प्रतितोला आठ सय ९० रुपैयाँँमा कारोबार भएको नेपाल सुनचाँदी व्यवसायी महासङ्घले जनाएको छ ।