सुनको मूल्यमा नयाँ कीर्तिमान

काठमाडौं, फागुन २३
सुनको मूल्यको नयाँ कीर्तिमान कायम भएको छ । सुनको मूल्य आज तोलामा एक हजार आठ सय रुपैयाँ बढ्दै प्रतितोला ८२ हजार पाँच सय रुपैयाँ पुगेको छ । सुुुन हिजो प्रतितोला ७८ हजार सात सय रुपैयाँमा कारोबार भएको थियो ।

अन्तर्राष्ट्रिय बजारमा लगानीकर्ता सुनतिर आकर्षित भएपछि नेपालमा पनि सुनको भाउ बढेको हो । सुनको मूल्य एक हप्तामै चार हजार बढेको छ ।

त्यस्तै, आज चाँदीको मूल्य तोलामा १० रुपैयाँ बढ्दै प्रतितोला आठ सय ९० रुपैयाँँ पुगेको छ । चाँदी हिजो प्रतितोला आठ सय ८० रुपैयाँमा कारोबार भएको थियो ।