लिम्पियाधुरा र लिपुलेकसहितको तयार नयाँ नक्सा कहिले हुन्छ सार्वजनिक ?

काठमाडाैं, फागुन १५ सरकारले भारतद्वारा अतिक्रमण गरिएको लिम्पियाधुरा, लिपुलेकलगायत नेपाली भूभाग समेटेर नयाँ नक्सा तयार पारेको छ ।

भूमि व्यवस्था सहकारी तथा गरिबी निवारणमन्त्री पद्माकुमारी अर्यालले भारतद्वारा मिचिएको लिम्पियाधुरा, लिपुलेकलगायत नेपाली भूमि समेटेर नयाँ नक्सा तयार पारिएको जानकारी दिइन् ।

नेपालको हालको नक्सामा भारतद्वारा मिचिएका ती भूमिलाई समावेश नगरिएकाले नागरिकस्तरबाट सरकारको कडा आलोचना हुँदै आएपछि सरकारले ती भूमि समेटेर नयाँ नक्सा तयार पारेको हो ।

‘हामी हाम्रो भूमि छोड्दैनौं त्यसैले नयाँ नक्सा तयार पारिसकेका छौं,’ मन्त्री अर्यालले भनिन् । उनले नयाँ नक्सा छिट्टै सार्वजनिक गरी नक्सालाई देशव्यापी बनाइने बताइन् । राजधानी दैनिकमा खबर छ।