सुनको मूल्य आकाशियो, आज तोलाको ८० हजार नाघ्यो

काठमाडौं, फागुन १२
नेपाली बजारमा आज सुनको मूल्य ८० हजार रुपैयाँमाथि पुगेको छ । सुन हिजो भन्दा आज तोलामा १५ सय रुपैयाँ बढ्दै प्रतितोला ८० हजार तीन सय रुपैयाँ पुुगेको छ । सुन हिजो प्रतितोला ७८ हजार आठ सय रुपैयाँ मा कारोबार भएको थियो ।

अन्तर्राष्ट्रिय बजारमा सुनको मूल्य अत्यधिक रुपमा बढेपछि नेपालमा पनि सुनको मूल्य आकाशिएको नेपाल सुनचाँदी व्यवसायी महासंघले जनाएको छ ।

त्यस्तै, आज चाँदीको मूल्य पनि तोलामा पाँच रुपैयाँ बढ्दै प्रतितोला ९ सय २५ रुपैयाँ पुगेको बछ । चाँदी हिजो प्रतितोला ९ सय २० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।