सुनको मूल्य ७८ हजार नाघ्यो

काठमाडौं, फागुन ९
सुनको मूल्य आज थप उकालो लाग्दै ७८ हजार नाघेको छ । हिजोको तुलनामा आज सुन तोलामा पाँच सय रुपैयाँ बढ्दै प्रतितोला ७८ हजार एक सय रुपैयाँ पुगेको छ । सुन हिजो प्रतितोला ७७ हजार ६ सय रुपैयाँमा कारोबार भएको थियो ।

चाँदीको मूल्य पनि केही दिनदेखि उकालो लागेपनि आज भने स्थीर छ । आज पनि चाँदी प्रतितोला ९ सय १५ रुपैयाँमा कारोबार भइरहेको छ । हिजो मात्रै चाँदी तोलामा १० रुपैयाँ बढेको थियो ।

विश्व बजारमा सुनको मूल्य बढेसंगै नेपाली बजारमा पनि सुनको मूल्य बढ्दै गएको नेपाल सुनचाँदी व्यवसायी महासंघले जनाएको छ ।