सुनको मूल्य अहिलेसम्मकै उच्च, अझै बढ्ने संकेत

काठमाडौं, फागुन ८
नेपाली बजारमा सुनको मूल्यले ऐतिहासिक रेकर्ड बनाउँदै गएको छ । हिजो ७७ हजार एक सय पुगेर रेकर्ड राखेको सुनको मूल्य आज थप बढ्दै प्रतितोला ७७ हजार ६ सय रुपैयाँ पुगेको छ ।

यस्तै, चाँदीको मूल्य पनि त्यसरी बढ्दै आज प्रतितोला ९ सय १५ रुपैयाँ पुगेको छ । चाँदी हिजो प्रतितोला ९ सय पाँच् रुपैयाँमा कारोबार भएको थियो ।

पछिल्लो समय अमेरिका, इरान, भारत र उत्तरकोरियाबीचको सम्बन्धले विश्व आर्थिक बजार तातेको र विश्व बजारमा सुनको मूल्य बढेको विश्लेषण छ । सुनचाँदीको मल्य अझै बढ्न सक्ने अनुमान गरिएको छ ।