मलाइका–अर्जुनको मस्ती !
मुम्बई, माघ २४
अरबाज खानसँग सम्बन्ध विच्छेद गरेपछि मलाइका अरोडा र अभिनेता अर्जुन कपुर सम्बन्धमा छन् । यो नयाँ खबर होइन ।
तर, अचेल यी दुवैले पार्टीहरुमा आफूलाई सँगै उभ्याउँदै आएका छन् । बलिउड अभिनेत्री मलाइका अरोडा र अर्जुन कपूरको सम्बन्धको विषयलाई लिएर निकै चर्चा हुन थालेको छ । उमेरको अन्तरले पनि प्रेमसम्बन्धको बारेमा खबर बाहिरिएसँगै उनीहरु चर्चामा थिए ।
एकपटक फेरि यो जोडी चर्चामा छाएको छ । बोल्ड लुक्सका कारण यो जोडी ‘टक अफ द टाउन’ बनेका छन् । हालैको एक मध्यरातमा अरमान जैन र अनीषा मल्होत्राको विवाहको ककटेल पार्टीमा सहभागी हुन गएको यो जोडीको तस्बिर सामाजिक सञ्जालमा भाइरल भएको छ ।
यसैबीच मलाइका अरोडा निकै हट लुक्समा देखिएकी छिन् । उनी रातो सारीमा देखिएकी छिन् । अर्जुन कपूरले हरियो रङको शेरवानी लगाएका छन् । उनी भेन्यूमा पुग्ने वित्तिकै मलाइकालाई पर्खिरहन्छन् र मलाइका भेन्यूमा पुगेपछि दुवैले फोटोशुट गर्दै गराएका छन् ।
प्रकाशित मिति: २४ माघ २०७६, शुक्रबार
