सुनको मूल्य घट्यो, चाँदीको बढ्यो

काठमाडौं, माघ १७
नेपाली बजारमा आज सुनको मूल्य घटेको छ भने चाँदीको मूल्य बढेको छ । सुन आज तोलामा तीन सय रुपैयाँ घट्दै प्रतितोला ७६ हजारमा झरेको छ । सुन हिजो प्रतितोला ७६ हजार तीन सय रुपैयाँमा कारोबार भएको थियो ।

त्यस्तै, सुनको मूल्य घट्दा आज चाँदीको मूल्य भने तोलामा १० रुपैयाँ बढ्दै प्रतितोला आठ सय ९० रुपैयाँ पुगेको छ । चाँदी हिजो प्रतितोला आठ सय ८० रुपैयाँमा कारोबार भएको नेपाल सुनचाँदी व्यवसायी महासंघले जनाएको छ ।