चीनमा फैलिरहेको कोरोना भाइरसको संक्रमण अमेरिकामा पनि देखियो
काठमाडौं, माघ ८
चीनमा फैलिरहेको कोरोना भाइरसको संक्रमण अमेरिकामा पनि देखिएको छ।
अमेरिकाले सिएटल शहरमा कोरोना भाइरसँग सम्बन्धित पहिलो घटना दर्ता भएको जनाएको छ । सङ्घीय एवं राज्य अधिकारीहरुले पीडितको उमेर ३० देखि ३५ वर्ष भएको जनाएको छ र उनी चीनको वुहानबाट अमेरिका आएको बताएका छन् ।
रहस्यमयी भाइरसका कारण अहिलेसम्म ६ जनाको मृत्यु भईसकेको छ भने ३ सयभन्दा बढी व्यक्तिमा यसको संक्रमण देखिएको छ।
नयाँ भाइरस चीनको वुहान, शङ्घाई लगायतका प्रान्तमा तीव्ररुपमा फैलिइरहेको छ । यसअघि जापान, थाइल्याण्ड र दक्षिण कोरियामा पनि यो भाइरसको सङ्क्रमण देखिएको अधिकारीले जनाएका थिए ।
प्रकाशित मिति: ८ माघ २०७६, बुधबार
